加拿大政府前年應美國要求，拘捕華為太子女、副董事長兼首席財務官孟晚舟。引渡聆訊周一（20日）喺溫哥華嘅卑詩省最高法院展開。庭外大約有30名示威者，手持「Free Ms Meng Equal Justice!」等標語在場聲援。
但今日(22日)中午，加拿大演員 Julia C. Hackstaff 喺 Facebook 出 po 哭訴自己係被騙去聲援孟晚舟，佢表示星期日晚接到一個從未見過嘅 agent call，agent 話周一早上有臨記工作(background performer) 介紹，兩個鐘收$100加幣 (約$595 港元)。
Julia 以為 agent 信得過，周一就去最高法院做臨記，但佢去到先知佢嘅角色喺「扮演」示威者，現場大約有30人。有工作人員同佢哋講，電影需要補拍一場示威戲，所以叫佢哋舉起個牌，之後會有班記者追訪。Julia 當時仍未發現被騙，所以就跟指示去做 … 直至一個又一個記者追訪，感覺實在太真實 (too real)，佢開始覺得唔對路，就問返 Agent 依家係咪一場真正嘅示威 ? Agent 老實回應示威係真，唔係拍戲！
Julia 表示自己當時想死，竟然被騙做咗真．示威者 …… 之後嘅36小時更加係一場惡夢！有好多記者不停聯絡佢，又亂咁寫 Fake News、佢又被網民起底，攻擊佢嘅人格及演員道德，佢嘅名字、相片及資料喺社交網站上流傳。Julia 話佢先係受害者，佢係被騙去「扮演」示威者，叫網民唔好再攻擊佢，錯嘅係呃人去參加示威嘅 Assholes。Julia 留言表示會將 $100 薪金損畀澳州動物救援基金。
另外，亦有示威者表示，佢收咗 $150 (約$891 港元) 薪金到場舉牌聲援孟晚舟，相信 Julia 已被 Agent 食了差價 $50 元。
英文原文:
